गैर आबासिय नेपाली संघ राष्ट्रिय समन्वय समिति फ्रान्सको तेह्रौ बार्षिक साधारण सभा यहि ७ अक्टुबर २०१८ मा पेरिस नजिकै लाकोर्नव सहरमा सम्पन्न भएको छ ।

फ्रान्स स्थित नेपाली राजदुतावासकी महामहिम राजदुत अम्बिका देवी लुइंटेलज्युको प्रमुख आतिथ्यमा सम्पन्न सो कार्यक्रमको सभापतित्व एन आर एन ए फ्रान्सका अध्यक्ष एक बहादुर मल्लज्युले गर्नु भएको थियो र कार्यक्रमको संचालन महासचिव नरेन्द्र शाहीज्युले गर्नुभएको थियो । पानसमा दियो बालि रास्ट्रिय गान बाट सुरु गरिएको कार्यक्रममा बोल्दै महामहिम राजदुतज्युले एन आर एन ए ले यस संस्थाको सुरुवात देखिनै नेपाल सरकार संग सहकार्य गर्दै काम गरिरहेको बताउनु भएको थियो ।

   अध्यक्ष एक बहादुर मल्लज्युले सम्पूर्ण फ्रान्सबासी नेपालीलाइ एकजुट भई अगाडी बढ्न आह्वान गर्नुभयो । कार्यक्रममा संस्थाका संस्थापक अध्यक्ष हरिहर अर्यालज्यु, प्रमुख संरक्षक मुकुन्द अमात्यज्यु, निवर्तमान अध्यक्ष – प्रमुख सल्लाहकार तथा प्रवासि नेपाली एकता मंच फ्रान्सका संयोजक भक्त वाग्लेज्यु, भू.पु. अध्यक्ष तथा सल्लाहकार घनश्याम पौडेलज्युले आ-आफनो मन्तब्य राख्दै सफलताको शुभकामना दिनु भएको थियो । एन आर एन फ्रान्सका आइ सी सी सदस्य सुबर्ण बिक्रम हमालज्युले एन सी सी का कामहरु प्रशंसनीय रहेको बताउनुभयो । कार्यक्रममा उपस्थित मेजों कल्चर फ्रान्सका अध्यक्ष हेमन्त उपाध्याय, एकता समाज फ्रान्सका अध्यक्ष प्रमोद पाण्डे, गोर्खा समाज फ्रान्सका अध्यक्ष सुरेन्द्र काप्री, जन सम्पर्क समिति फ्रान्सका अध्यक्ष सुधिर राना ज्युहरुले एन आर एन ए फ्रान्सले सबै संघसंस्थाहरुलाई समेट्दै र हातेमालो गर्दै अगाडी बढनेछ भन्ने चाहना रहेको बताउनुभयो ।

साधारण सभामा संस्थाका संस्थापक, संरक्षक, तथा सल्ल्हकार ज्यूहरूलाई सम्मान तथा मनोनयन पत्र प्रदान गरिएको थियो।  रक्तदान कार्यक्रमका दाताहरु, एन आर एन ए फ्रान्सका खेलाडीहरु र कलाकारहरुलाई प्रमाणपत्र वितरण गरि सम्मान गरिएको थियो। कार्यक्रममा सानी बैनीहरु अंशु शाही र अनिशा वाग्लेको नृत्य प्रस्तुति पनि रहेको थियो । 

   अध्यक्ष मल्लज्यु ले आफनो कार्यकालको पहिलो बर्षमा भएको प्रगति विवरण र भविष्यका योजना प्रस्तुत गर्नु भएको थियो । उहाले संस्थालाइ राजनीति बाट टाढा राख्दै आर्थिक पारदर्शिता राख्न आफु सधै प्रतिबद्द रहने बताउनु भयो । संस्थाका कोषाध्यक्ष मिन कुमार श्रेष्ठज्युले कार्यकाल २०१७-२०१८ को  आर्थिक आय व्ययको संछिप्त विवरण पेश गर्नु भयो । उहाँले संखमुल पार्कमा गरेको सहयोग, भुकम्पको बेला उठाएको सहयोग रकम, एक बिधालयलाइ गर्न लागेको सहयोग आदि बिषयमा प्रस्ट पार्नु भएको थियो ।

  अन्त्यमा अध्यक्ष एक बहादुर मल्लज्युले कार्यक्रममा उपस्तिथ भइ संस्थाको गतिविधिहरुमा चासो र सहयोग गर्नुहुने सबैलाई धन्यवाद दिदैं आगामी दिनहरुमा एन आर एन ए फ्रान्स अझै सशक्त र प्रभावकारी तरिकाले कामहरु गर्दैजाने र त्यसको लागि सबै फ्रान्सवासी नेपालीहरुको सहयोग र सद्द्भाव को अपेछा राखेको बताउदै काय्रक्रमको विसर्जन गर्नुभयो।

 

प्रवक्ता

प्रकाश सापकोटा

एबं एन आर एन ए फ्रान्स परिवार