एनआरएनए फ्रान्स : हावाहुरी प्रभावीतको लागि राहत स्वरुप १००० युरो सहयोग, थप रकम संकलनको लागि आव्हान

हार्दिक आव्हान 
फ्रान्सवासी नेपाली दाजुभाइ दिदिबैनिहरु,

यहि मिति १७ चैत्र २०७५ (तदनुरुप ३१ मार्च २०१९ ) का दिन नेपालको बारा र पर्सा लगायत जिल्लामा भारि बर्षा संगै आएको हावाहुरीले कैयॊको मृत्यु ,सयॊ घाइते, हजारौ घरबार बिहिन तथा अकल्पनीय सार्बजनिक नोक्सानी भएको खबरले एनआरएनए फ्रान्स लगायत सम्पूर्ण फ्रान्सबासि नेपालीहरुलाई मर्माहित बनाएको छ । यस दुखद घडीमा अकालमानै प्राकृतिक प्रकोपमा परि ज्यान गुमाउन पुगेका सबैमा हार्दिक श्रदान्जाली अर्पण गर्दै सम्पूर्ण घाइतेहरुमा शिघ्र स्वास्थ्यलाभको कामना गर्दछौ । गैर आवासीय नेपाली संघ अन्तर्राष्ट्रिय समन्वय परिषदको टोली घटानास्थलमा राहत वितरणमा खटिएको तथा संघले विश्वभरका राष्ट्रिय परिषदहरुलाई कम्तिमा ५०,००० रुपैयाँ संकलन गरि पठाउन अनुरोध गरेको परिपेक्षमा प्राकृतिक विपतिको यस घडीमा एनआरएनए फ्रान्सले तत्काल आपतकालीन राहत स्वरुप एक लाख तैतीस हजार नेपाली रुपैया (१००० यूरो ) सहयोगको घोषणा गर्दै यथासिघ्र सम्बन्धित निकायमार्फत हस्तान्तरण गर्ने जानकारी गराउदछौ ! साथै बिपतीको यो अवस्थामा फ्रान्स स्थित सम्पूर्ण स्थानीय नेपाली समाज, समुदाय र संघसंस्थाहरुलाई हातेमालो गर्दै सहयोग संकलनको लागि एकजूट भै लाग्नुहुन हार्दिक आव्हान गर्दछौ।